Kataloniyaning "Barselona" klubi o‘zining ko‘p yillik texnik hamkori — Nike kompaniyasi bilan muzokaralardagi qiyinchiliklar sababli 4 million yevro mablag‘ni behuda sarfladi.
Dastlab "Barsa" ushbu mavsumni texnik homiysiz boshlashi yoki o‘tkazishi taxmin qilingan edi, chunki rahbariyat boshqa bir gigant — Puma bilan kelishishga urinib ko‘rgandi. Shu bois, oldindan Nike logotipi tushirilmagan bir necha o‘n minglab yangi namunadagi futbolkalar ishlab chiqarilgan. Bu nafaqat futbol jamoasi, balki klub brendi ostidagi basketbol va voleybol jamoalari uchun ham mo‘ljallangan edi.
Biroq, yakunda Nike bilan kelishuvga erishildi va bu futbolkalar keraksiz bo‘lib qoldi. Homiy logotipi bo‘lmagan liboslarni sotish shartnoma shartlarini buzish hisoblanadi. Bunday xatolik klubga behuda sarflangan 4 million yevrodan ko‘ra ancha kattaroq zarar keltirishi mumkin edi.
