Bugun Krishtianu Ronaldu o‘z tug‘ilgan kunini nishonlamoqda. «Oltin to‘p»ning besh karra sohibi 41 yoshga to‘ldi. Yulduz portugaliyalikni uning sobiq klubi — Italiyaning «Yuventus» jamoasi tabrikladi.

«Tug‘ilgan kuning bilan, eng ezgu tilaklarimiz senga, Krishtianu!» — deyiladi «Yuventus» matbuot xizmati tomonidan e’lon qilingan tabriknomada.

Ma’lumki, Krishtianu Ronaldu 2018–2021 yillarda «Yuventus» sharafini himoya qilgan. Ushbu davr mobaynida forvard 134 ta o‘yinda maydonga tushib, 101 ta gol urdi va 28 ta golli uzatmani amalga oshirdi.

2023 yil boshidan beri Ronaldu «An-Nasr» jamoasida to‘p tepmoqda. Portugaliyalik futbolchining amaldagi shartnomasi 2027 yilning o‘rtalariga qadar mo‘ljallangan.