«Chelsi» va «Real»ning sobiq futbolchisi Eden Azar bolaligida «Milan»ga muxlislik qilganini aytib berdi. U faoliyati davomida A Seriyada o‘z kuchini sinab ko‘rishga qarshi bo‘lmaganini ta’kidladi.
«Bolaligimda «Milan» muxlisi edim. Bir necha soat oldin Gallianini uchratib qoldim. Uning aytishicha, men Berluskoni davridagi «Milan»da juda yaxshi harakat qilgan bo‘lardim, ammo menga hech qachon taklif bilan chiqishmagan», — deya Azarning so‘zlarini keltiradi Gazzeta.it.
Eslatib o‘tamiz, Eden Azar 2023 yilda faoliyatini yakunlagan edi. U faoliyati davomida «Lill», «Chelsi» va «Real» safida jami 15 ta sovrinni qo‘lga kiritgan.
