«Челси» ва «Реал»нинг собиқ футболчиси Эден Азар болалигида «Милан»га мухлислик қилганини айтиб берди. У фаолияти давомида А Серияда ўз кучини синаб кўришга қарши бўлмаганини таъкидлади.
«Болалигимда «Милан» мухлиси эдим. Бир неча соат олдин Галлианини учратиб қолдим. Унинг айтишича, мен Берлускони давридаги «Милан»да жуда яхши ҳаракат қилган бўлардим, аммо менга ҳеч қачон таклиф билан чиқишмаган», — дея Азарнинг сўзларини келтиради Gazzeta.it.
Эслатиб ўтамиз, Эден Азар 2023 йилда фаолиятини якунлаган эди. У фаолияти давомида «Лилль», «Челси» ва «Реал» сафида жами 15 та совринни қўлга киритган.
