Braziliyaning «Flamengo» klubi Lukas Paketani sotib olib, Braziliya futboli tarixidagi eng qimmat transferni amalga oshirdi. Endi esa klub o‘z oldiga yanada ambisiyali maqsadni qo‘ymoqda — «Real Madrid» bilan shartnomasi yakuniga yetayotgan Vinisius Juniorni qo‘lga kiritish. Futbolchining Yevropadagi shubhali obro‘si (doimiy mojarolar) u uchun variantlarni cheklab qo‘ymoqda, Braziliyada esa irqiy kamsitishlar haqida hech kimning xayoliga ham kelmaydi — u yerda hamma birdek.

«Biz uning «Real» bilan shartnomasi tugashini kutishga tayyormiz», — deya bayonot berdi Braziliya klubi prezidenti Rodolfo Landim.

Boshqa tarafdan, «Real Madrid»ning o‘zi 2019 yildan beri jamoada o‘ynab kelayotgan ushbu qimmatli o‘yinchi bilan shartnomani uzaytirishga harakat qilmoqda. Uning hozirgi kelishuvi 2027 yilda o‘z nihoyasiga yetadi.