Ispaniya Kubogi chorak finalida Madridning «Atletiko» klubi o‘z uslubiga xos bo‘lmagan sermahsul o‘yin namoyish etdi va Sevilyaning «Betis» jamoasi darvozasiga safarda naq beshta gol urdi. Ma’lum bo‘lishicha, ushbu g‘alaba klub tarixida Ispaniya Kubogi doirasidagi (yuqori divizion jamoalariga qarshi) eng yirik safar g‘alabasi bo‘ldi.

Shu bilan birga, eslatib o‘tish joizki, Madrid klubi ushbu nufuzli turnirda kamida 10 marta g‘olib chiqqan. Biroq XXI asrda bu voqea faqat bir marta — olis 2013 yilda sodir bo‘lgan edi.

Qizig‘i shundaki, «Atletiko» o‘zining navbatdagi uchrashuvini ham aynan «Betis»ga qarshi o‘tkazadi — faqat bu safar Ispaniya chempionati (La Liga) doirasida.