Madridning «Real» klubi o‘ng qanot himoyachisi Daniel Karvaxalni jarohatdan so‘ng maydonga tushirishga shoshilmayapti.

34 yoshli futbolchi bir necha haftadan beri o‘yinga tayyor ekanligini ta’kidlamoqda, biroq tibbiy shtab tajribali lateralni shoshilmaslikka chaqirmoqda, deb xabar beradi jurnalist Abraxam Romero. Klubdagilar yuklama tufayli futbolchining tizzasi shishib ketishidan xavfsirashmoqda, shu sababli ehtiyotkorlikni saqlab qolishmoqda. Peyshanba kuni jamoa sardori jamoaviy mashg‘ulotni o‘tkazib yubordi.

Daniel Karvaxal joriy mavsumda «Real»ning o‘nta uchrashuvida ishtirok etdi. Yakshanba kuni Alvaro Arbeloa shogirdlari La Liganing 23-turi doirasida safarda «Valensiya» bilan to‘qnash kelishadi.