«Roma» klubi maslahatchisi, taniqli italiyalik mutaxassis Klaudio Ranyeri hujumchi Paulo Dibala va yarim himoyachi Lorenso Pellegrinining Rim klubini tark etishi mumkinligi haqida gapirdi.
«Faoliyatimizni davom ettirish uchun maoshlar jadvalini qisqartirishimiz kerak. Aks holda, klub oyoqda tura olmaydi. Biz bu futbolchilarning natijalarga qo‘shayotgan hissasini baholaymiz va murabbiylar shtabi bilan maslahatlashamiz. Agar umumiy kelishuvga erishilmasa, biz xayrlashamiz», — deya funksionerning so‘zlarini keltirmoqda Sky Sport Italia.
A Seriyaning 23 turidan so‘ng «Roma» 43 ochko jamg‘arib, turnir jadvalida beshinchi o‘rinni egallab turibdi.
