«Рома» клуби маслаҳатчиси, таниқли италиялик мутахассис Клаудио Раньери ҳужумчи Пауло Дибала ва ярим ҳимоячи Лоренцо Пеллегринининг Рим клубини тарк этиши мумкинлиги ҳақида гапирди.
«Фаолиятимизни давом эттириш учун маошлар жадвалини қисқартиришимиз керак. Акс ҳолда, клуб оёқда тура олмайди. Биз бу футболчиларнинг натижаларга қўшаётган ҳиссасини баҳолаймиз ва мураббийлар штаби билан маслаҳатлашамиз. Агар умумий келишувга эришилмаса, биз хайрлашамиз», — дея функционернинг сўзларини келтирмоқда Sky Sport Italia.
А Сериянинг 23 туридан сўнг «Рома» 43 очко жамғариб, турнир жадвалида бешинчи ўринни эгаллаб турибди.
