Qishki transfer oynasida "Manchester Siti" tarkibiga Mark Gexi kelib qo‘shildi. Angliya terma jamoasi markaziy himoyachisi "shaharliklar" safiga "Kristal Pelas"dan ko‘chib o‘tdi. "Manchester Siti" ustozi Xosep Gvardiola ushbu transferga o‘z munosabatini bildirdi.

"Menimcha, Gexi — "Manchester Siti" uchun ajoyib xarid. Bu besh-olti-etti yil davomida xizmat qiladigan futbolchi. Haqiqiy top-transfer", — dedi Gvardiola juma kungi matbuot anjumanida.

Hozirda "Manchester Siti" Angliya Premyer-ligasi turnir jadvalida ikkinchi o‘rinda bormoqda. Xosep Gvardiola jamoasi peshqadam "Arsenal"dan olti ochkoga orqada qolmoqda.

Yakshanba kuni "Manchester Siti" safarda "Liverpul" mehmoni bo‘ladi.