«Kristal Pelas» bosh murabbiyi Oliver Glasner jamoaning yangi a’zosi Yorgen Strann Larsen klubga nima berishi haqidagi savolga javob berdi. 25 yoshli norvegiyalik futbolchi 2026 yil fevral oyi boshida «Vulverxempton»dan 55,7 million yevro evaziga transfer qilingan edi.

«Uning profili Matetanikiga o‘xshash. Biz novcha, jismoniy jihatdan kuchli hujumchi, ya’ni «to‘qqizlik» xohlagan edik. Yorgenda ajoyib mentalitet va xarakter bor, biz unga ishonamiz. Yorgen biz uchun zarur bo‘lgan sifatlarni namoyish etmoqda — shuning uchun ham uni qo‘lga kiritish uchun katta harakat qildik», — deya Glasnerning so‘zlarini keltiradi «BBC».

Larsen bugun, 8 fevral kuni APLning 25-turi doirasida «Brayton»ga qarshi kechadigan o‘yinda debyut qilishi mumkin. Uchrashuv Toshkent vaqti bilan 19:00 da boshlanadi.