«Кристал Пэлас» бош мураббийи Оливер Гласнер жамоанинг янги аъзоси Йорген Странн Ларсен клубга нима бериши ҳақидаги саволга жавоб берди. 25 ёшли норвегиялик футболчи 2026 йил февраль ойи бошида «Вулверхэмптон»дан 55,7 миллион евро эвазига трансфер қилинган эди.

«Унинг профили Матетаникига ўхшаш. Биз новча, жисмоний жиҳатдан кучли ҳужумчи, яъни «тўққизлик» хоҳлаган эдик. Йоргенда ажойиб менталитет ва характер бор, биз унга ишонамиз. Йорген биз учун зарур бўлган сифатларни намойиш этмоқда — шунинг учун ҳам уни қўлга киритиш учун катта ҳаракат қилдик», — дея Гласнернинг сўзларини келтиради «BBC».

Ларсен бугун, 8 февраль куни АПЛнинг 25-тури доирасида «Брайтон»га қарши кечадиган ўйинда дебют қилиши мумкин. Учрашув Тошкент вақти билан 19:00 да бошланади.