"Liverpul" himoyachisi Virjil van Deyk Angliya premyer-ligasining 25-turidan o‘rin olgan "Manchester Siti"ga qarshi markaziy o‘yin oldidan o‘z fikrlarini bildirib o‘tdi.
"Biz ushbu uchrashuv boshlanishini kutmoqdamiz. Bu raqib bilan ko‘plab ajoyib janglar ortda qoldi, bu navbatdagi og‘ir jang bo‘ladi. Futbolchilar mana shunday katta o‘yinlar uchun o‘ynashadi. Umid qilamizki, muxlislarimizni xursand qila olamiz", - deya niderlandiyalik futbolchining so‘zlarini keltiradi Mersisayd grandi matbuot xizmati.
"Liverpul"ning "Manchester Siti"ga qarshi o‘yini bugun, 8 fevral kuni "Enfild" stadionida bo‘lib o‘tadi.
