"Ливерпуль" ҳимоячиси Виржил ван Дейк Англия премьер-лигасининг 25-туридан ўрин олган "Манчестер Сити"га қарши марказий ўйин олдидан ўз фикрларини билдириб ўтди.
"Биз ушбу учрашув бошланишини кутмоқдамиз. Бу рақиб билан кўплаб ажойиб жанглар ортда қолди, бу навбатдаги оғир жанг бўлади. Футболчилар мана шундай катта ўйинлар учун ўйнашади. Умид қиламизки, мухлисларимизни хурсанд қила оламиз", - дея нидерландиялик футболчининг сўзларини келтиради Мерсисайд гранди матбуот хизмати.
"Ливерпул"нинг "Манчестер Сити"га қарши ўйини бугун, 8 февраль куни "Энфилд" стадионида бўлиб ўтади.
