"Barselona" yarimhimoyachisi Mark Kasado "Malyorka"ga qarshi kechgan o‘yin haqida fikr bildirdi. Ispaniya La Ligasining 23-turidan o‘rin olgan o‘yin 3:0 hisobidagi yirik g‘alaba bilan yakunlandi.

"Qiyin bo‘lishini bilardik, ayniqsa, birinchi golni urish. Ikkinchi bo‘limda yaxshiroq o‘ynadik va o‘yinni nazorat qila oldik. Bizda yaxshi muhit va bo‘lajak o‘yinlarda g‘alaba uchun kurashishga tayyormiz", - deya Kasadoning so‘zlarini keltiradi Barça Universal.

Joriy mavsumda 22 yoshli yarim himoyachi barcha musobaqalarda 24ta o‘yinda maydonga tushdi va bitta golli uzatmani amalga oshirdi.

23-turdan so‘ng "Barselona" 58 ochko bilan Ispaniya chempionati turnir jadvalida peshqadamlik qilmoqda.