"Liverpul"ning sobiq himoyachisi Jeymi Karragerning fikricha, jamoani joriy mavsumdan faqat Chempionlar ligasidagi g‘alaba qutqaradi.
"Bu mavsumni "Liverpul" uchun o‘zgacha qilishning yagona yo‘li - Chempionlar Ligasida g‘olib chiqish. O‘tgan mavsumda APL chempionligini qo‘lga kiritib, yangi futbolchilar uchun 450 million sarflagan jamoaga Angliya kubogi yetarli emas.
Chempionlar Ligasida "Liverpul" APLdagidan ancha yaxshiroq ko‘rinmoqda. Chunki APLda g‘olib chiqish uchun jamoa hali to‘liq tarkib bilan ta’minlanmagan.
Ular liga fizikasini uddalay olishmayapti. Ammo YECHL - bu boshqa masala. Pley-offda "Enfild" ular tomonida bo‘ladi. Ularda Chempionlar Ligasida g‘alaba qozonish uchun yaxshi imkoniyat bor", - dedi Karrager.













