Yangi mavsumga jiddiy hozirlik ko‘rayotgan va tarkibni kuchaytirish borasida keng ko‘lamli ishlarni amalga oshirayotgan "Neftchi" bugun xorvatiyalik mahoratli hujumchi Stipe Perisa bilan shartnoma imzoladi.
«Stipe Perisa 1995 yilning 7 iyulida Xorvatiyaning Zadar shahrida tug‘ilgan. Futbolchilik faoliyatini 2012 yilda Xorvatiyada boshlagan Perisa 2013 yilda Angliyaning "Chelsi", keyinchalik esa Italiyaning "Udineze" va "Frozinone", Turkiyaning "Qosimposho", Angliyaning "Uotford", Isroilning "Makkabi", Belgiyaning "Standard" va Ruminiyaning "Dinamo" kabi taniqli jamoalarida to‘p tepdi. 2013/2016 yillar davomida futbolchi Xorvatiyaning U-19, U-20 va U-21 terma jamoalari sharafini himoya qildi. Bundan tashqari Stipe Perisa Yevropaning nufuzli musobaqalarida ham ishtirok etdi. Ular orasida UYEFA Konferensiyalar ligasi, Yevropa pley-off ligasi, Toto kubogi, Angliya futbol liga kubogi, Niderlandiya kubogi, Italiya kubogi, Belgiya kubogi musobaqalaridir.
Jamoamiz va farg‘onalik futbol muxlislari nomidan Stipe Perisaga "Neftchi" sharafini munosib himoya qilishiga katta ishonch bildiramiz va faoliyatida ulkan zafarlar tilaymiz», - deyiladi klub bayonotida.
