«Yuventus»da rahbarlik lavozimini egallab turgan mashhur sobiq futbolchi Jorjo Kyellini bosh murabbiy Luchano Spallettining kelajagi haqidagi savolga javob berdi.
Mutaxassis o‘tgan yilning oktyabr oyi oxiridan beri «byankonerilar»ni boshqarib kelmoqda. Murabbiyning amaldagi mehnat shartnomasi shu yilning yozida nihoyasiga yetadi.
«Spallettining shartnomasi? Biz uning ishidan juda mamnunmiz. O‘ylashimcha, uning «Yuventus»da ishlashdan mamnun ekanligini va shu yerda qolishni istayotganini hamma ko‘rib turibdi. Har narsaning o‘z vaqti bor. Hech qanday shubha yo‘q, shoshilishga hojat yo‘q. Luchano loyihaga ishongani uchun ham hech qanday kafolatlarsiz shartnoma imzolagan edi», — deya Kyellinining so‘zlarini keltirmoqda OAV.
