«Ювентус»да раҳбарлик лавозимини эгаллаб турган машҳур собиқ футболчи Жоржо Кьеллини бош мураббий Лучано Спаллеттининг келажаги ҳақидаги саволга жавоб берди.
Мутахассис ўтган йилнинг октябрь ойи охиридан бери «бьянконерилар»ни бошқариб келмоқда. Мураббийнинг амалдаги меҳнат шартномаси шу йилнинг ёзида ниҳоясига етади.
«Спаллеттининг шартномаси? Биз унинг ишидан жуда мамнунмиз. Ўйлашимча, унинг «Ювентус»да ишлашдан мамнун эканлигини ва шу ерда қолишни истаётганини ҳамма кўриб турибди. Ҳар нарсанинг ўз вақти бор. Ҳеч қандай шубҳа йўқ, шошилишга ҳожат йўқ. Лучано лойиҳага ишонгани учун ҳам ҳеч қандай кафолатларсиз шартнома имзолаган эди», — дея Кьеллинининг сўзларини келтирмоқда ОАВ.
