«Manchester Siti» ustozi Xosep Gvardiola Premyer-liganing yakshanba kungi «Liverpul»ga qarshi o‘yinida (2:1) jamoasining ikkinchi bo‘limdagi pasayishiga izoh berdi.

«Shaharliklar» uchrashuvning birinchi bo‘limida to‘liq ustunlik qilishdi, garchi gol ura olishmagan bo‘lsa-da. Tanaffusdan so‘ng «qizillar» kuchliroq ko‘rinishdi va 74-daqiqada hisobda oldinga chiqib olishdi, biroq mehmonlar bahs yakunida ikkita gol urib, baribir g‘alabani ilib ketishdi.

«Bunday holat ko‘p marta sodir bo‘lgan. Biz uchun 90 daqiqa davomida yuqori darajani saqlab qolish qiyin kechmoqda, lekin biz bunga intilyapmiz. Sababi — biz hali 100 foiz tayyor emasligimizda bo‘lishi mumkin. Ehtimol, bir oydan keyin, jarohatlangan futbolchilar safga qaytgach, vaziyat o‘zgarar», — dedi Gvardiola «Sky Sports»ga bergan intervyusida.

Chorshanba kuni «Manchester Siti» o‘z maydonida «Fulxem»ga qarshi maydonga tushadi.