«Манчестер Сити» устози Хосеп Гвардиола Премьер-лиганинг якшанба кунги «Ливерпуль»га қарши ўйинида (2:1) жамоасининг иккинчи бўлимдаги пасайишига изоҳ берди.
«Шаҳарликлар» учрашувнинг биринчи бўлимида тўлиқ устунлик қилишди, гарчи гол ура олишмаган бўлса-да. Танаффусдан сўнг «қизиллар» кучлироқ кўринишди ва 74-дақиқада ҳисобда олдинга чиқиб олишди, бироқ меҳмонлар баҳс якунида иккита гол уриб, барибир ғалабани илиб кетишди.
«Бундай ҳолат кўп марта содир бўлган. Биз учун 90 дақиқа давомида юқори даражани сақлаб қолиш қийин кечмоқда, лекин биз бунга интиляпмиз. Сабаби — биз ҳали 100 фоиз тайёр эмаслигимизда бўлиши мумкин. Эҳтимол, бир ойдан кейин, жароҳатланган футболчилар сафга қайтгач, вазият ўзгарар», — деди Гвардиола «Sky Sports»га берган интервьюсида.
Чоршанба куни «Манчестер Сити» ўз майдонида «Фулхэм»га қарши майдонга тушади.
