«Tottenxem» Premyer-liganing 26-turi doirasidagi o‘z uyida kechgan bahsda «Nyukasl»dan mag‘lubiyatga uchradi (1:2).

«Qarg‘alar» Malik Tshau va Jeykob Remsining gollari evaziga g‘alabani qo‘lga kiritishdi, «shporlar» safida esa Archi Grey gol muallifiga aylandi. Tomas Frank jamoasi Angliya chempionatida ketma-ket sakkizta o‘yindan beri g‘alaba qozona olmayapti — «Opta» nashrining xabar berishicha, bu «Tottenxem»ning so‘nggi 18 yil ichidagi APL doirasidagi eng uzoq davom etgan g‘alabasiz seriyasidir. 2008 yilda londonliklar Xuande Ramos boshchiligida qatorasiga to‘qqizta o‘yinda zafar qucha olishmagan edi.

«Tottenxem» 26 turdan so‘ng 29 ochko bilan turnir jadvalida 16-o‘rinni egallab turibdi. Katta ehtimol bilan yaqin orada Tomas Frank iste’foga chiqariladi.