«Тоттенхэм» Премьер-лиганинг 26-тури доирасидаги ўз уйида кечган баҳсда «Ньюкасл»дан мағлубиятга учради (1:2).
«Қарғалар» Малик Тшау ва Жейкоб Рэмсининг голлари эвазига ғалабани қўлга киритишди, «шпорлар» сафида эса Арчи Грэй гол муаллифига айланди. Томас Франк жамоаси Англия чемпионатида кетма-кет саккизта ўйиндан бери ғалаба қозона олмаяпти — «Opta» нашрининг хабар беришича, бу «Тоттенхэм»нинг сўнгги 18 йил ичидаги АПЛ доирасидаги энг узоқ давом этган ғалабасиз сериясидир. 2008 йилда лондонликлар Хуанде Рамос бошчилигида қаторасига тўққизта ўйинда зафар қуча олишмаган эди.
«Тоттенхэм» 26 турдан сўнг 29 очко билан турнир жадвалида 16-ўринни эгаллаб турибди. Катта эҳтимол билан яқин орада Томас Франк истеъфога чиқарилади.
