"Marsel" Roberto de Dzerbi iste’foga chiqarilgach, bosh murabbiylikka mutaxassis qidirmoqda. Jurnalist Sebastyan Denining xabar berishicha, ushbu lavozimga nomzodlardan biri "Al-Ittihod" jamoasi boshqaruvchisi Serjiu Konseysau hisoblanadi.
Manbaga ko‘ra, rasmiy muzokaralar hali boshlanmagan, ammo fransuz klubi rahbariyati uzoq vaqtdan beri portugaliyalik mutaxassisni kuzatib kelmoqda - "Marsel" Konseysauni 2024 yildayoq tayinlamoqchi edi.
Qayd etilishicha, murabbiyning "Al-Ittihod" bilan shartnomasida badal puli 4,5 mln yevro etib belgilangan.
"Marsel" Fransiya chempionatining 21-turidan keyin 39 ochko bilan turnir jadvalida to‘rtinchi o‘rinda bormoqda.













