"Марсель" Роберто де Дзерби истеъфога чиқарилгач, бош мураббийликка мутахассис қидирмоқда. Журналист Себастян Денининг хабар беришича, ушбу лавозимга номзодлардан бири "Ал-Иттиҳод" жамоаси бошқарувчиси Сержиу Консейсау ҳисобланади.
Манбага кўра, расмий музокаралар ҳали бошланмаган, аммо француз клуби раҳбарияти узоқ вақтдан бери португалиялик мутахассисни кузатиб келмоқда - "Марсель" Консейсауни 2024 йилдаёқ тайинламоқчи эди.
Қайд этилишича, мураббийнинг "Ал-Иттиҳод" билан шартномасида бадал пули 4,5 млн евро этиб белгиланган.
"Марсель" Франция чемпионатининг 21-туридан кейин 39 очко билан турнир жадвалида тўртинчи ўринда бормоқда.
