Londonning "Tottenxem" klubi jamoa bosh murabbiyi Tomas Frank iste’foga chiqarilganini rasman e’lon qildi. Bu haqdagi bayonot klub rasmiy saytida e’lon qilindi. Tegishli qaror direktorlar kengashi tomonidan qabul qilingan.

"Tomas 2025 yilning iyun oyida tayinlangan edi va biz kelajak yo‘lida birgalikda ishlash uchun unga kerakli vaqt va yordamni berishga qat’iy qaror qilgandik. Biroq natijalar va o‘yinlar darajasi direktorlar kengashini mavsumning ushbu bosqichida murabbiyni o‘zgartirish zarur degan xulosaga olib keldi. Klubdagi faoliyati davomida Tomas o‘z ishiga sodiqligini namoyish etdi va bor kuchini klub rivojiga bag‘ishladi. Biz unga qo‘shgan hissasi uchun minnatdorchilik bildiramiz va kelgusi ishlarida muvaffaqiyatlar tilaymiz", — deyiladi bayonotda.

Tomas Frank APL doirasida "Nyukasl"dan qabul qilingan mag‘lubiyatdan (1:2) so‘ng lavozimini tark etdi. Ushbu muvaffaqiyatsizlikdan keyin "shporlar" 26 turdan so‘ng 29 ochko bilan APL turnir jadvalida 16-o‘ringa tushib ketishdi.