«Atalanta» darvozaboni Marko Karnesekki klubini o‘zgartirishi mumkin.
«Calciomercato» nashri bergan ma’lumotlarga ko‘ra, 25 yoshli posbonni o‘z safiga qo‘shib olishga «Yuventus» qiziqish bildirmoqda. Turin klubi Mikele di Gregorioning o‘yinidan to‘liq qanoatlanmayapti, shu sababli «Atalanta»ga darvozabonlarni almashtirishni taklif qilishga tayyor. Agar Bergamo jamoasi joriy mavsum yakunlariga ko‘ra Chempionlar ligasiga yo‘llanma ololmasa, klublar o‘rtasidagi muzokaralar yanada jiddiy tus olishi mumkin.
Marko Karnesekki 2017 yilda «Chezena»dan «Atalanta»ga 1,7 million yevro evaziga o‘tgan edi. Uning shartnomasi 2028 yilning 30 iyuniga qadar mo‘ljallangan. Joriy mavsumda golkiper 32 ta o‘yinda maydonga tushib, 30 ta gol o‘tkazib yubordi va 13 ta uchrashuvda o‘z darvozasi daxlsizligini saqlab qoldi.
