«Brayton» yarim himoyachisi Jeyms Milner Angliya chempionatining 26-turi doirasida o‘zining sobiq jamoasi «Aston Villa»ga qarshi kechgan bahsda maydonga tushdi.
Birmingemdagi «Villa Park» stadionida o‘tgan o‘yinda 40 yoshli futbolchi 22-daqiqada zaxiradan o‘yinga qo‘shildi. Ushbu uchrashuv Milner uchun APLdagi 653-o‘yin bo‘ldi. Shu tariqa, u chempionatda o‘yin o‘tkazish bo‘yicha Garet Berriga tegishli bo‘lgan mutlaq rekordni takrorladi.
Milnerning APLdagi o‘yinlari taqsimoti:
-
«Liverpul» — 230 o‘yin
-
«Manchester Siti» — 147 o‘yin
-
«Aston Villa» — 100 o‘yin
-
«Nyukasl» — 94 o‘yin
-
«Lids» — 48 o‘yin
-
«Brayton» — 34 o‘yin
Jeyms Milner uch karra APL g‘olibi hisoblanadi. U ikki bor «Manchester Siti» bilan, bir marta esa «Liverpul» safida chempionlikni qo‘lga kiritgan.
