«Брайтон» ярим ҳимоячиси Жеймс Милнер Англия чемпионатининг 26-тури доирасида ўзининг собиқ жамоаси «Астон Вилла»га қарши кечган баҳсда майдонга тушди.
Бирмингемдаги «Вилла Парк» стадионида ўтган ўйинда 40 ёшли футболчи 22-дақиқада захирадан ўйинга қўшилди. Ушбу учрашув Милнер учун АПЛдаги 653-ўйин бўлди. Шу тариқа, у чемпионатда ўйин ўтказиш бўйича Гарет Бэррига тегишли бўлган мутлақ рекордни такрорлади.
Милнернинг АПЛдаги ўйинлари тақсимоти:
-
«Ливерпуль» — 230 ўйин
-
«Манчестер Сити» — 147 ўйин
-
«Астон Вилла» — 100 ўйин
-
«Ньюкасл» — 94 ўйин
-
«Лидс» — 48 ўйин
-
«Брайтон» — 34 ўйин
Жеймс Милнер уч карра АПЛ ғолиби ҳисобланади. У икки бор «Манчестер Сити» билан, бир марта эса «Ливерпуль» сафида чемпионликни қўлга киритган.
