Xalqaro futbol federasiyasi (FIFA) Bilbaoning «Atletik» klubini yangi futbolchilarni ro‘yxatdan o‘tkazishga taqiq qo‘yilgan klublar ro‘yxatiga kiritdi, deb xabar beradi tashkilot rasmiy sayti.

Sanksiya ketma-ket uchta transfer oynasi — 2026 yil yozi, 2027 yil qishi va 2027 yil yozi davomida amal qiladi. Basklar yangi futbolchilarni ro‘yxatdan o‘tkazishni 2028 yilning yanvaridan boshlashlari mumkin bo‘ladi.

FIFA hozircha jazo sabablarini rasman tushuntirmadi va bunday choralar «moliyaviy nizolar yoki reglament buzilishi» uchun qo‘llanilishini qayd etish bilan cheklandi. Ispaniya OAVlarining xabar berishicha, «Atletik»ning o‘zida bu vaziyat fojia sifatida ko‘rilmayapti: gap futbolchiga bo‘lgan huquqlar bo‘yicha kelishmovchilik haqida ketmoqda va klub yaqin soatlar ichida bu masalani hal qilish niyatida.

«Atletik» La Ligada 23 ta o‘yindan so‘ng 28 ochko bilan o‘ninchi o‘rinda bormoqda va peshqadam «Barselona»dan 30 ochkoga ortda qolmoqda. 15 fevral kuni jamoani «Ovyedo»ga qarshi safar o‘yini kutmoqda. Shuningdek, oldinda Ispaniya Kubogi yarim finali ham bor, unda basklar dastlabki uchrashuvdan so‘ng «Real Sosyedad»ga imkoniyatni boy berishmoqda (0:1).