Turinning «Yuventus» klubi himoyachisi Pyer Kalyulyu faoliyatini Angliya Premyer-ligasida davom ettirishi mumkin. 25 yoshli fransuz futbolchisining transferiga «Manchester Yunayted» qiziqish bildirmoqda.

«Tuttosport» jurnalistlarining ma’lumotlariga ko‘ra, "qizil iblislar" skautlari potensial yangi o‘yinchini kuzatish uchun «keksa sinyora»ning Milanning «Inter» klubiga qarshi bo‘lib o‘tadigan yaqin oradagi o‘yiniga tashrif buyurishadi.

Markaziy himoyachining «Yuventus» bilan shartnomasi 2029 yil iyun oyi oxirigacha mo‘ljallangan. Futbolchining bozor qiymati 28 million yevroga baholanmoqda.

Italiya chempionatining joriy mavsumida fransuz futbolchisi 24 ta uchrashuv o‘tkazib, ikkita gol va uchta golli uzatmani amalga oshirdi.