Туриннинг «Ювентус» клуби ҳимоячиси Пьер Калюлю фаолиятини Англия Премьер-лигасида давом эттириши мумкин. 25 ёшли француз футболчисининг трансферига «Манчестер Юнайтед» қизиқиш билдирмоқда.
«Tuttosport» журналистларининг маълумотларига кўра, "қизил иблислар" скаутлари потенциал янги ўйинчини кузатиш учун «кекса синьора»нинг Миланнинг «Интер» клубига қарши бўлиб ўтадиган яқин орадаги ўйинига ташриф буюришади.
Марказий ҳимоячининг «Ювентус» билан шартномаси 2029 йил июнь ойи охиригача мўлжалланган. Футболчининг бозор қиймати 28 миллион еврога баҳоланмоқда.
Италия чемпионатининг жорий мавсумида француз футболчиси 24 та учрашув ўтказиб, иккита гол ва учта голли узатмани амалга оширди.
