«Bavariya» markaziy himoyachisi Jonatan Ta faoliyatini «Barselona»da davom ettirishi mumkin edi. O‘tgan yilning yozida germaniyalik futbolchi «Bayer»dan Myunxen grandi safiga kelib qo‘shilgandi. «Dorishunoslar»ning sobiq yulduziga xorijning top-klublari, jumladan, «Barselona» ham da’vogarlik qilgan.

"Kim bizga o‘tishga yaqin edi, ammo kelmadi? Biz Jonatan Ta bilan ilg‘or muzokaralar olib borgandik, biroq yakunda kelishuv amalga oshmadi", — deya tan oldi «ko‘k-anorranglilar» sport direktori Deku.

Jonatan Taning «Bayer» bilan shartnomasi 2025 yilning iyun oyi oxirida tugashi kerak bo‘lganligi sababli, u «Bavariya»ga bor-yo‘g‘i 2 million yevroga tushdi.