«Manchester Siti» bosh murabbiyi Xosep Gvardiola hujumchi Erling Xolandning holati haqida gapirib o‘tdi. Seshanba kuni norvegiyalik futbolchi Premyer-liga doirasidagi «Fulxem»ga qarshi o‘yinning tanaffusida almashtirilgan edi.
"Erling 100 foiz tayyor emas. Bugun uning o‘zini qanday his qilayotganini ko‘ramiz. Shifokorning aytishicha, bu jiddiy muammo emas, lekin o‘yin vaqtida unda noqulaylik paydo bo‘ldi, shuning uchun ikkinchi bo‘limda maydonga tushmadi. Ertangi o‘yinda undan foydalanish-foydalanmasligimizni bugun hal qilamiz", — dedi Gvardiola matbuot anjumanida.
2025/2026 yilgi mavsumda Erling Xoland 37 ta o‘yinda maydonga tushib, 29 ta gol urdi.
Shanba kuni, 14 fevral kuni «Manchester Siti» Angliya Kubogi 1/16 finali doirasida «Solford Siti»ga qarshi o‘z maydonida bahs olib boradi.
