«Манчестер Сити» бош мураббийи Хосеп Гвардиола ҳужумчи Эрлинг Холанднинг ҳолати ҳақида гапириб ўтди. Сешанба куни норвегиялик футболчи Премьер-лига доирасидаги «Фулхэм»га қарши ўйиннинг танаффусида алмаштирилган эди.
"Эрлинг 100 фоиз тайёр эмас. Бугун унинг ўзини қандай ҳис қилаётганини кўрамиз. Шифокорнинг айтишича, бу жиддий муаммо эмас, лекин ўйин вақтида унда ноқулайлик пайдо бўлди, шунинг учун иккинчи бўлимда майдонга тушмади. Эртанги ўйинда ундан фойдаланиш-фойдаланмаслигимизни бугун ҳал қиламиз", — деди Гвардиола матбуот анжуманида.
2025/2026 йилги мавсумда Эрлинг Холанд 37 та ўйинда майдонга тушиб, 29 та гол урди.
Шанба куни, 14 февраль куни «Манчестер Сити» Англия Кубоги 1/16 финали доирасида «Солфорд Сити»га қарши ўз майдонида баҳс олиб боради.
