Yangi mavsumga tayyorgarlikni davom ettirayotgan "Metallurg" tarkibni shakllantirish va kuchaytirish ishlarini jadal sur’atlarda olib bormoqda. Jamoa safiga ikki nafar yarim himoyachi — Komiljon Tojiddinov va Ibrohim No‘monov qo‘shildi.

26 yoshli Komiljon Tojiddinov o‘tgan mavsumni "Navbahor" safida o‘tkazib, 13 ta uchrashuvda maydonga tushgan. U faoliyati davomida «Navbahor-Farm», «Navbahor», "Katmandu Reyzers" (Nepal) hamda "Yang Elefants" (Laos) jamoalarida to‘p tepgan.

Tug‘ilgan sanasi: 19.08.1999
Bo‘yi: 1.68
Ampluasi: yarim himoyachi.

Shuningdek, 29 yoshli yarim himoyachi Ibrohim No‘monov ham yangi mavsumda bekobodliklar sharafini himoya qiladi. U o‘tgan mavsumning dastlabki qismini "Mash’al"da boshlab, keyinchalik "Buxoro" safiga o‘tgan. Superliga va O‘zbekiston kubogi doirasida jami 27 ta bahsda ishtirok etib, 2 ta golli uzatma muallifi bo‘lgan. No‘monov faoliyati davomida «Neftchi», OKMK, "Chizre Serhat Spor" (Turkiya), «Mash’al U-21», «Mash’al», «Qo‘qon-1912» va «Buxoro» jamoalarida o‘ynagan.

Tug‘ilgan sanasi: 24.07.1996
Bo‘yi: 1.78
Ampluasi: yarim himoyachi.