Янги мавсумга тайёргарликни давом эттираётган "Металлург" таркибни шакллантириш ва кучайтириш ишларини жадал суръатларда олиб бормоқда. Жамоа сафига икки нафар ярим ҳимоячи — Комилжон Тожиддинов ва Иброҳим Нўмонов қўшилди.

26 ёшли Комилжон Тожиддинов ўтган мавсумни "Навбаҳор" сафида ўтказиб, 13 та учрашувда майдонга тушган. У фаолияти давомида «Навбаҳор-Фарм», «Навбаҳор», "Катманду Рейзерс" (Непал) ҳамда "Янг Элефантс" (Лаос) жамоаларида тўп тепган.

Туғилган санаси: 19.08.1999
Бўйи: 1.68
Амплуаси: ярим ҳимоячи.

Шунингдек, 29 ёшли ярим ҳимоячи Иброҳим Нўмонов ҳам янги мавсумда бекободликлар шарафини ҳимоя қилади. У ўтган мавсумнинг дастлабки қисмини "Машъал"да бошлаб, кейинчалик "Бухоро" сафига ўтган. Суперлига ва Ўзбекистон кубоги доирасида жами 27 та баҳсда иштирок этиб, 2 та голли узатма муаллифи бўлган. Нўмонов фаолияти давомида «Нефтчи», OKMK, "Чизре Серҳат Спор" (Туркия), «Машъал U-21», «Машъал», «Қўқон-1912» ва «Бухоро» жамоаларида ўйнаган.

Туғилган санаси: 24.07.1996
Бўйи: 1.78
Амплуаси: ярим ҳимоячи.