Kataloniyaning "Barselona" klubi himoyachi Alexandro Baldeni chap qanot himoyasidagi uzoq muddatli loyiha sifatida ko‘rmoqda. Bu haqda "Diario SPORT" nashri xabar bermoqda.
Manba bergan ma’lumotlarga ko‘ra, "ko‘k-anorranglilar" 22 yoshli ispaniyalik futbolchini uzoq yillar davomida tarkibda saqlab qolmoqchi, biroq hozirgi vaqtda klub uning o‘yinidan unchalik mamnun emas. "Barselona" Baldedan ko‘prog‘ini kutmoqda.
Balde — klub tarbiyalanuvchisi hisoblanadi. Joriy mavsumda u barcha musobaqalarni inobatga olganda 31 ta o‘yin o‘tkazib, uchta golli uzatmani amalga oshirdi.
Himoyachining kataloniyaliklar bilan amaldagi mehnat shartnomasi 2028 yilgacha mo‘ljallangan. "Transfermarkt" mutaxassislari futbolchining qiymatini 60 million yevroga baholashmoqda.
