"Bavariya" vingeri Maykl Olise Germaniya chempionatining navbatdagi turi doirasidagi "Verder"ga qarshi o‘yinda ishtirok eta olmaydi.

Eslatib o‘tamiz, o‘tgan turda Olise mavsumdagi beshinchi sariq kartochkasini oldi, shu sababli u bo‘lajak bahsda o‘z klubiga yordam bera olmaydi. Bu Olise 2024 yilning yozida "Kristal Pelas"dan "Bavariya"ga o‘tganidan beri Bundesligada ilk bor maydonga tushmaydigan holatdir.

24 yoshli fransuz futbolchisi bungacha bo‘lgan barcha 55 ta uchrashuvda ishtirok etib, 22 ta gol urdi va 36 ta golli uzatmani amalga oshirdi. "Bavariya"ning hozirgi tarkibidagi biror o‘yinchi bunday natija bilan maqtana olmaydi.

Germaniya chempionati 22-turidan o‘rin olgan "Verder" va "Bavariya" o‘rtasidagi bahs 14 fevral kuni bo‘lib o‘tadi. Uchrashuv Toshkent vaqti bilan soat 19:30 da boshlanadi.