"Bavariya" hujumchisi Xarri Keyn Yevropaning kuchli beshlik chempionatlarida 300 ta gol urgan futbolchilarning elita klubiga a’zo bo‘ldi.

Angliyalik futbolchi ushbu marrani zabt etgan to‘qqizinchi o‘yinchiga aylandi. Myunxenliklar hujumchisi o‘zining 300-golini shanba kuni Bundesliga doirasida kechgan "Verder"ga qarshi bahsda (3:0) kiritdi. Keynga qadar 300 va undan ortiq gollarni Lionel Messi, Krishtianu Ronaldu, Robert Levandovski, Jimmi Grivz, Gerd Myuller, Stiv Blumer, Diksi Din va Zlatan Ibrahimovich urishga muvaffaq bo‘lishgan.

Yevropaning yetakchi ligalaridagi umumiy gollar soni bo‘yicha rekordchi Lionel Messi bo‘lib turibdi — 396 ta gol. Krishtianu Ronaldu undan atigi bitta to‘pga ortda qolmoqda. Ikkala futbolchi ham faoliyatini davom ettirishmoqda, biroq endilikda Yevropadan tashqarida to‘p surishmoqda.

"Bavariya"ga o‘tishdan oldin Xarri Keyn uzoq yillar davomida "Tottenxem" sharafini himoya qilgan.