«Liverpul» himoyachisi Virjil van Deyk jamoadoshi Muhammad Salohning kelajagi haqida fikr bildirdi.
Niderlandiyalik futbolchi Saloh «qizillar» sharafini himoya qilishda davom etishini xohlashini yashirib o‘tirmadi va misrlik hujumchiga maqtovlar yog‘dirdi.
«U har doim jamoaga gollardan ham ko‘proq narsa beradi. Ochig‘i, hozir hammaning e’tibori uning gollariga qaratilgan, chunki u juda yuqori standartlarni o‘rnatib qo‘ygan va kamroq gol ursa, darrov tanqidlarga uchraydi. Har qanday holatda ham Muhammad jamoada qolishini istayman, chunki u mening yaqin do‘stim va biz ko‘p yillar davomida birgalikda past-balandliklarni boshdan kechirdik», — dedi van Deyk.
Muhammad Salohning amaldagi shartnomasi yana 1,5 yil davom etadi. Eslatib o‘tamiz, dekabr oyida futbolchi «Liverpul» rahbariyatining unga bo‘lgan munosabatidan norozi bo‘lib, klubni ommaviy ravishda tanqid qilgan edi. Shuningdek, vinger bosh murabbiy Arne Slot manziliga ham tanqidiy fikrlar bildirgandi.
