«Manchester Siti» darvozaboni Jeyms Trafford «Aston Villa»ning qiziqishlar doirasiga tushib qoldi.
Angliyalik posbon «shaharliklar»ning asosiy tarkibidagi o‘rin uchun kurashda Janluiji Donnarummaga imkoniyatni boy bermoqda. 23 yoshli darvozabonning o‘zi yaqinda «Manchester Siti»ga qaytganida zaxirada o‘tirish niyatida bo‘lmaganini ma’lum qildi va matbuotda futbolchining tez orada jamoadan ketishi haqida tinimsiz xabarlar tarqalmoqda. Football Insider xabariga ko‘ra, «Aston Villa» Traffordni Emiliano Martinesning potensial vorisi sifatida ko‘rib chiqmoqda. 33 yoshli argentinalik mavsum yakunlanganidan so‘ng «villaliklar» safini tark etishi mumkin.
Transfermarkt bahosiga ko‘ra, Jeyms Traffordning narxi 25 mln yevroni tashkil etadi. Martinesning ayni shu portaldagi bahosi esa — 15 mln yevro.
