«Манчестер Сити» дарвозабони Жеймс Траффорд «Астон Вилла»нинг қизиқишлар доирасига тушиб қолди.
Англиялик посбон «шаҳарликлар»нинг асосий таркибидаги ўрин учун курашда Жанлуижи Доннаруммага имкониятни бой бермоқда. 23 ёшли дарвозабоннинг ўзи яқинда «Манчестер Сити»га қайтганида захирада ўтириш ниятида бўлмаганини маълум қилди ва матбуотда футболчининг тез орада жамоадан кетиши ҳақида тинимсиз хабарлар тарқалмоқда. Football Insider хабарига кўра, «Астон Вилла» Траффордни Эмилиано Мартинеснинг потенциал вориси сифатида кўриб чиқмоқда. 33 ёшли аргентиналик мавсум якунланганидан сўнг «виллаликлар» сафини тарк этиши мумкин.
Transfermarkt баҳосига кўра, Жеймс Траффорднинг нархи 25 млн еврони ташкил этади. Мартинеснинг айни шу порталдаги баҳоси эса — 15 млн евро.
