Londonning «Arsenal» klubi «RB Leypsig» markaziy himoyachisi Kastello Lyukebaga da’vogar jamoalar safiga qo‘shildi.
TEAMtalk nashrining xabar berishicha, 23 yoshli futbolchi bilan shartnoma imzolashga shaxsan «kanonirlar» bosh murabbiyi Mikel Arteta qiziqish bildirmoqda. Agar manbaga ishonilsa, Germaniya klubi fransuz uchun taxminan 60 mln yevro taklif qilinsa, u bilan xayrlashishga tayyor.
Kastello Lyukebaning Transfermarkt saytidagi taxminiy bahosi — 45 mln yevro. Avvalroq futbolchiga madridning «Real», «Bavariya», «Liverpul», «Chelsi» va «Tottenxem» klublari qiziqish bildirayotgani haqida xabarlar tarqalgan edi. Joriy mavsumda markaziy himoyachi «RB Leypsig» safida 20 ta o‘yin o‘tkazib, o‘z hisobiga bittadan gol va golli uzatmani yozdirib qo‘ydi.
