Лондоннинг «Арсенал» клуби «РБ Лейпциг» марказий ҳимоячиси Кастелло Люкебага даъвогар жамоалар сафига қўшилди.
TEAMtalk нашрининг хабар беришича, 23 ёшли футболчи билан шартнома имзолашга шахсан «канонирлар» бош мураббийи Микель Артета қизиқиш билдирмоқда. Агар манбага ишонилса, Германия клуби француз учун тахминан 60 млн евро таклиф қилинса, у билан хайрлашишга тайёр.
Кастелло Люкебанинг Transfermarkt сайтидаги тахминий баҳоси — 45 млн евро. Аввалроқ футболчига мадриднинг «Реал», «Бавария», «Ливерпуль», «Челси» ва «Тоттенхэм» клублари қизиқиш билдираётгани ҳақида хабарлар тарқалган эди. Жорий мавсумда марказий ҳимоячи «РБ Лейпциг» сафида 20 та ўйин ўтказиб, ўз ҳисобига биттадан гол ва голли узатмани ёздириб қўйди.
