Yarim himoyachi Jud Bellingem jarohati sababli «Real»ning allaqachon bir nechta o‘yinini o‘tkazib yubordi. Dushanba kuni The Athletic sahifalarida Madrid klubi haqida maqola chop etildi. Unda Bellingemning holatiga to‘xtalib o‘tilgan va jarohat dastlab taxmin qilinganidan ko‘ra jiddiyroq ekanligi aytilgan.
Qayd etilishicha, Bellingemning tiklanishi uchun taxminan olti-sakkiz hafta vaqt kerak bo‘ladi. Shu tariqa, angliyalik futbolchi aprel oyiga yaqin tayyor bo‘ladi.
«Real» ayni damda Chempionlar ligasi doirasida safarda «Benfika»ga qarshi bo‘ladigan o‘yinga tayyorgarlik ko‘rmoqda. Jamoalar seshanba kuni, 17 fevral kuni Lissabonda o‘zaro to‘qnash kelishadi. Uchrashuv Toshkent vaqti bilan tungi soat 01:00 da boshlanadi.
