Ярим ҳимоячи Жуд Беллингем жароҳати сабабли «Реал»нинг аллақачон бир нечта ўйинини ўтказиб юборди. Душанба куни The Athletic саҳифаларида Мадрид клуби ҳақида мақола чоп этилди. Унда Беллингемнинг ҳолатига тўхталиб ўтилган ва жароҳат дастлаб тахмин қилинганидан кўра жиддийроқ эканлиги айтилган.
Қайд этилишича, Беллингемнинг тикланиши учун тахминан олти-саккиз ҳафта вақт керак бўлади. Шу тариқа, англиялик футболчи апрель ойига яқин тайёр бўлади.
«Реал» айни дамда Чемпионлар лигаси доирасида сафарда «Бенфика»га қарши бўладиган ўйинга тайёргарлик кўрмоқда. Жамоалар сешанба куни, 17 февраль куни Лиссабонда ўзаро тўқнаш келишади. Учрашув Тошкент вақти билан тунги соат 01:00 да бошланади.
