Xarri Keyn Kicker jurnali talqini bo‘yicha Bundesliganing hafta ramziy jamoasiga kirish soni bo‘yicha peshqadamlik qilmoqda.

Germaniya chempionati 22-turidan o‘rin olgan "Verder"ga qarshi o‘yinda (3:0) "Bavariya" hujumchisi dubl qayd etdi. Kicker jurnali angliyalik futbolchini joriy mavsumda to‘qqizinchi bor hafta jamoasiga kiritdi. Uning bu ko‘rsatkich bo‘yicha eng yaqin ta’qibchilari — Maykl Olise ("Bavariya"), David Raum ("RB Leypsig") va Deniz Undav ("Shtutgart") bo‘lib, ular 5 martadan ramziy terma jamoadan joy olishgan.

Ramziy terma jamoaning to‘liq tarkibi quyidagicha:

Darvozabon: Kauan Santos ("Ayntraxt");

Himoyachilar: Nataniel Braun ("Ayntraxt"), Rami Bensebayni ("Borussiya" Dortmund), Edmond Tapsoba ("Bayer"), Vladimir Soufal ("Xoffenxaym");

Yarim himoyachilar: Ernest Poku ("Bayer"), Leon Goretska ("Bavariya"), Yulian Ryuerson ("Borussiya" Dortmund);

Hujumchilar: Ermedin Demirovich ("Shtutgart"), Xarri Keyn ("Bavariya"), Ransford Kenigsdorffer ("Gamburg").

Hafta o‘yinchisi deb Yulian Ryuerson tan olindi.