Харри Кейн Kicker журнали талқини бўйича Бундеслиганинг ҳафта рамзий жамоасига кириш сони бўйича пешқадамлик қилмоқда.

Германия чемпионати 22-туридан ўрин олган "Вердер"га қарши ўйинда (3:0) "Бавария" ҳужумчиси дубль қайд этди. Kicker журнали англиялик футболчини жорий мавсумда тўққизинчи бор ҳафта жамоасига киритди. Унинг бу кўрсаткич бўйича энг яқин таъқибчилари — Майкл Олисе ("Бавария"), Давид Раум ("РБ Лейпциг") ва Дениз Ундав ("Штутгарт") бўлиб, улар 5 мартадан рамзий терма жамоадан жой олишган.

Рамзий терма жамоанинг тўлиқ таркиби қуйидагича:

Дарвозабон: Кауан Сантос ("Айнтрахт");

Ҳимоячилар: Натаниэль Браун ("Айнтрахт"), Рами Бенсебайни ("Боруссия" Дортмунд), Эдмонд Тапсоба ("Байер"), Владимир Цоуфал ("Хоффенхайм");

Ярим ҳимоячилар: Эрнест Поку ("Байер"), Леон Горетцка ("Бавария"), Юлиан Рюэрсон ("Боруссия" Дортмунд);

Ҳужумчилар: Эрмедин Демирович ("Штутгарт"), Харри Кейн ("Бавария"), Рансфорд Кенигсдорффер ("Гамбург").

Ҳафта ўйинчиси деб Юлиан Рюэрсон тан олинди.