O‘tgan dam olish kunlari Londonning "Chelsi" klubi Angliya Kubogi doirasida "Xall Siti"ga qarshi maydonga tushdi. O‘yin oldidan "aristokratlar" maydonga chiqib kelayotib, ularni kutib turgan "Xall" bolalar jamoasining kichik yoshli futbolchilari yonidan o‘tishdi.
"Chelsi" yulduzlari bolakaylarga hech bo‘lmaganda minimal darajada e’tibor qaratishi kutilgandi, biroq bunday bo‘lmadi. Videoyozuvlar shuni ko‘rsatdiki, londonlik futbolchilar bolalarni shunchaki mensimasdan, e’tibor bermay o‘tib ketishgan.
Ushbu holat Angliyada jiddiy bahs-munozaralarga sabab bo‘ldi. Ko‘pchilikning fikricha, klub rahbariyati futbolchilarning bunday munosabati uchun uzr so‘rashi kerak. Hatto "Chelsi"ning ashaddiy muxlislari ham o‘z futbolchilarini uyatsizlikda ayblab, ulardan norozi bo‘lishmoqda.
